Saturday, March 30, 2013

දිලිසෙන ඇස් ඇති රුවැත්තිට....

හැම හීනෙක ම නුඹ ඇවිදින් රහසේ ම
කඳුලක් තියා පොළියට හීනේ අගට
හිනැහී මට ඔච්චමට ඇස් අග බැල්මෙන් ම
නික්මෙන හැටි ඔබිනවද නුඹෙ ලස්සනට....

හඳ නැති රෑක අහසේ මුලුවසං හිඳ
තරු නෙත් කැලුම් දී වෙහෙසා මගෙ හිත ම
හත්දින්නත් තරු මැදට වී මට බෝ දුරක
බැස යද්දී දුකයි එළිවෙන්නත් පෙර ම....

හුළඟක් හමද්දිත් ගහකොළ නමාගෙන
මට සැක නුඹ එහෙමවත් මේ අහ ඇවිදින්ද?
පාටක් ගඳක් නැති ලෝකය දැක්කා ම
හිත පෑරෙන්න මා රිද්දයි කාංසිය...

රිද්දන නහරවැල් එක එක තෝරගෙන
ගණංකාර නුඹෙ අරුමැති කෝළ හිත
අරගෙන යන්න දෙනවද ටික දවසකට
මුළා වෙන්න ආසයි ඒ හිත එක්ක....
-විකියා-