ඉන්විටේෂන්...
අන්තිම දවසෙත් මං ඇහුවෙ ඔයාගෙන්
මෙච්චර දවසක් මට කිව්ව කතන්දර බොරු ද???
ඔයා ලේසියෙන් කිව්වේ
‘ඔව් ඔයාට ඕනිනං එහෙම හිතන්න‘
-ඒකත් මට ඕනි නං-
මට ඒක ඔයා තරං ලේසියට
මගේ හිතේ අසල්වැසියන්ට කියන්න අමාරුයි නංගි...
අපි ඇවිදං ආපු ලව්ලේන්වල
ආයෙම අනිත්පැත්තට හැරිලා යන්න සිද්ද උණත් කමක් නෑ...
ඒ යද්දි
අපේ පිටිපස්සෙන් ඇවිදං ආපු උන්
මගෙන්
‘මොකද අද තනියම‘ කියල අහද්දි
මං කොහොමද කියන්නෙ
ආයෙ නංගි එන්නෙ නෑ කියලා මගෙත් එක්ක....
අපි දෙන්න එක්ක ම එකට
බශා එකේ වාඩි වෙලා
නලමුදු සුවඳ බලපු
පෙම්වත් ජෝඩුවක්
අදත් මට ඉන්විටේෂන් එවල තිබ්බා...
උන් තාම දන්නැතුව ඇති...
වරහන් ඇතුළේ ‘උඹල දෙන්නට ම‘ කියලත්
ලියල තිබ්බා...
යම්දෝ නොයම්දෝ....
උන්ගෙ මඟුල්වලට
අපේ පැටව්
මල් කුමාරයො කුමාරියො කරන්න
කප්පරක් හීන
ඔයාටත් හොරෙන් හිතේ තියං හිටිය මට
ඔහොම වෙලා මදි නංගි....
No comments:
Post a Comment